आमचा शिक्षक, आमचा अभिमान!
शहराकडे लोंढे शिक्षणासाठी.....!
सुजाण पालकांनो आता तरी लक्ष द्या! आपल्या पाल्याला शिकवण्यासाठी आपल्या गावातील, खेड्यातील, वस्तीतील मराठी माध्यमाच्या शाळेमध्ये जगाला ज्ञान देणारे अनमोल रत्न उपस्थित असतांनी आपण शहरातील महागड्या देखाव्या कडे पाहून आपली आर्थिक कुवत नसतानाही, आपल्या पाल्याला महागड्या शाळेतील शिक्षण देण्याकडे आपला जो कल झालेला आहे, तो निश्चितच कुठेतरी थांबवण्याची आणि आपल्या पाल्यांना जगाशी जोडणाऱ्या या ज्ञानवंत गुरुजींच्या सानीध्यात वाढू देण्याची, त्यांच्या ज्ञानात प्रगल्भता आणण्यासाठी आपण विचार करण्याची गरज आलेली आहे....
सोलापूर जिल्हा परिषदेतील शिक्षक #रणजितसिंह_डिसले यांना युनेस्को व लंडनस्थित वार्की फाउंडेशन यांच्या संयुक्त विद्यमानाने दिला जाणारा जागतिक स्थरावरील 7 कोटी रुपयांचा ग्लोबल टीचर पुरस्कार जाहीर झाला. भारताला पहिल्यादाचं हा सन्मान मिळाला आहे. जगातील सर्वोत्तम शिक्षक म्हणून त्यांचा गौरव होणे ही नक्कीच अभिमानास्पद आहे. सोलापुरच्या जिल्हा परिषदेच्या शाळेमध्ये शिकवणारा आपला शिक्षक जागतिक पातळीवर सन्मानित होतो. यापेक्षा अभिमानाची दुसरी गोष्ट नाही.
जगातील सर्वोत्तम शिक्षक म्हणून गौरव, भारताला पहिल्यादाचं मिळाला सन्मान .
युनेस्को व लंडनस्थित वार्की फाउंडेशन यांच्या संयुक्त विद्यमाने दिला जाणारा ग्लोबल टीचर प्राईझ आज जाहीर झाला असून सोलापूर च्या परितेवाडी जिल्हा परिषद शाळेतील शिक्षक रणजितसिंह डिसले यांना 7 कोटी रुपयांचा हा पुरस्कार आज जाहीर झाला .
लंडन मधील नॅचरल हिस्ट्री म्युझियम मध्ये झालेल्या समारंभात सुप्रसिद्ध अभिनेते स्टीफन फ्राय यांनी याची अधिकृत घोषणा केली .
असा पुरस्कार मिळणारे ते पहिलेच भारतीय शिक्षक ठरले आहेत .
जगभरातील 140 देशांतील 12 हजार हुन शिक्षकांच्या नामांकनातून अंतिम विजेता म्हणून डिसले गुरुजींची घोषणा करण्यात आली आहे . QR कोड अभ्यासक्रमात आणुन एक शैक्षणिक क्रांती घडवून आणली,
आज, बालभारतीच्या पुस्तकात त्याचा या समावेश केल्यामुळे, आज कोरोना च्या संकटात त्याचा विद्यार्थ्यांना स्वयम् अध्ययनात खुप महत्त्वाचा ठरतो आहे.
QR कोडेड पुस्तकांच्या माध्यमातून महाराष्ट्रचं नव्हे तर देशातील शिक्षण क्षेत्रांत अभिनवं क्रांती केलेल्या कामाची दखल घेत त्यांना हा पुरस्कार जाहीर झाला आहे.
पुरस्काराच्या एकूण रक्कमेपैकी 50 टक्के रक्कम अंतिम फेरीतील 9 शिक्षकांना देण्याचे रणजीतसिंह डिसले यांनी जाहीर केले असून, यामुळे 9 देशांतील हजारो मुलांना गुणवत्तापूर्ण शिक्षण दिले जाईल .
डिसले गुरुजींना मिळालेली रक्कम ते टीचर इनोव्हेशन फंड करीता वापरणार असून त्यामुळे शिक्षकांमधील नवोपक्रमशिलतेला चालना मिळेल.
या पेक्षा अभिमन नाही.... !
आमचा अभिमान तुम्ही....
आमचा स्वाभिमानी तुम्ही....
डिसले सरांना पुढील वाटचाली साठी
लक्ष लक्ष शुभेच्छा💐💐
Comments
Post a Comment